吳靄儀：法官憂慮達到極點

【蘋果日報】本港三名資深法官早前匿名接受路透社訪問表達對「送中」惡法憂慮，回歸前後出任法律立法界議員18年的吳靄儀接受《蘋果》訪問會時直指有關情況不尋常，「顯見法官嘅憂心係到咗極點」。她認為政府經常強調送中修例通過後，港人可以依靠法官把關，卻一直無視法官憂慮，只叫法官不應受訪，又拒絕與法律界選委會面，做法極為傲慢，「法律界話你有問題，佢（港府）就話法律界講廢話、唔識法律，作人身攻擊，而唔去面對批評啱定唔啱，呢個係好差嘅做法」，呼籲港人6.9上街抗惡法。
指港府「邏輯上講唔通」
早於《逃犯條例》修訂被外界稱為送中惡法之前，吳靄儀已指出箇中問題，因為1998年她仍任立法會議員時，已參與《逃犯條例》的審議，她憶述當年立法會因為張子強案而討論《逃犯條例》，其間立法會認為香港若要與大陸有任何逃犯移交，都必先有公平審訊的保障，「如果冇就唔可以，立法會好堅持呢點」。由於北京政府一直未能接受上述要求，特區政府其後再未就修例提供任何新消息，中港法制「防火牆」得以保持。
吳坦言1998年討論過後，立法會不時查詢政府的修例進展，但當局一直未有交代，今年2月卻突然宣佈決定修例，她批評：「咁多年嚟，政府都係因為我哋（立法會）唔接受不公平審訊，所以唔移交（香港人到大陸受審），現時忽然間就話冇問題，其實中間做過乜事呢？其實係冇做過任何事，除咗20幾年後，將個保障（講成）變咗做個漏洞」。
吳靄儀批評港府現時修例方法「邏輯上都講唔通」，「你為交（陳同佳）一個人去台灣，依家變咗全體（香港人）可以移交去大陸，呢種做法真係反智」。她指出，台灣當局早已表明不會按港府現時修例方式引渡陳同佳到台受審，並表明會支持陳在香港受審，再由台灣提供證據和協助，可惜港府充耳不聞，直斥政務司司長張建宗、保安局局長李家超及律政司司長鄭若驊信譽破產，並批評政府至今拒絕將人權保障正式寫入法律，辯稱是要「保持靈活性」，最令港人擔心，「到時政府又話因為種種理由，不適宜要求呢啲（人權保障），咁我哋點？」
■記者林俊謙
長青網 - 一站式長者及護老者生活資訊網站