憂變桂民海翻版　居德港人「剪護照」

【蘋果日報】如箭在弦的惡法修訂，或掀起本港新一輪移民潮。有港人工程師居德10年，一直未有辦理正式移民，至港府強推修例打開送中大門，他擔心成為銅鑼灣書店桂民海翻版，「你係要剪咗香港本護照，再拎外國護照先係真正護身符」。10年前被德國妻子問香港會否成為中國另一個城市，他當時說「邊有可能啊？有一國兩制。依家諗返咁講係何其天真」。
石賈墨是「香港人在德國」facebook群組的版主，修讀工程系的他2009年大學時期與來自德國的太太相遇後，便轉往德國讀書和發展。現時任職工程師的他與同為專業人士的太太居於二線城市Offenburg一間有過千呎花園的三層獨立屋。他說早已滿足移民德國的條件，但認為護照只是旅遊證件，「一直都唔覺得有需要真係移民」。
不過現同時持有德國長期居留簽證和特區護照的他說，2015年銅鑼灣書店東主、瑞典籍桂民海被安插內地車禍肇事罪名，一連串被失蹤、被認錯等，令他萌生放棄中國國籍的想法，「香港人即使持有外國護照，都冇辦法當係護身符。係要剪咗香港本護照，再拎外國護照先係真正護身符，如果唔係佢都會講你首先係中國人（拘捕你）」。
「修例後洗頭艇都唔使」
石續指，《逃犯條例》修訂更成了他「剪護照」念頭的催化劑，「桂民海事件畀咗壓力，但修例真係驚，香港好多人都驚」，故現在正辦理移民德國手續，放棄中國國籍，「如果中國政府拉我，起碼德國政府會出手先」。石說反對修例是因無人能擔保內地司法制度不會改變，不是乖乖奉公守法便能事不關己，「例如我同你做訪問，之後我要去上海公幹，佢唔喜歡就可以生安白造一個罪名畀你。呢條條例令佢哋做呢啲事輕鬆好多，未有修例已經有洗頭艇，依家有咗（修例），直頭係予取予攜，洗頭艇都唔使，直接用咁方便嘅法例去老屈，你仲要冇得拗喎」。
對於本土民主前線成員黃台仰和李東昇獲德國政府庇護，他不感驚訝，「香港有政治難民都係遲早嘅事」，因近年已發生不少港府不能保障市民的事例，看見香港年輕人為信念奮鬥卻被當暴徒非常傷心。
■記者李詠希德國報道
長青網 - 一站式長者及護老者生活資訊網站