新聞類別
財經
詳情#
【蘋果日報】【創業故事】曾經有前輩對方家煌說：「做生意只可以做四個行業相關，就係衣、食、住、行，因為人永遠要靠佢哋生存。」他聽在心裏。直到90年代，有次《我和春天有個約會》的澳門巡迴演出期間，方家煌是其中一名演員，某日有杜國威的劇迷探班帶來幾打葡撻。從未聽聞葡撻的他，誰知一吃愛上，「當時腦即刻諗：點解香港冇？」簡單一個念頭，遂打開其飲食之門。
記者：李海澄
去年12月，他曾與金培達、王祖藍合作做《唯獨祢是王II》；讀舞台導演出身的方家煌，畢業後在演藝、傳媒行業打滾逾10年，曾任黃玉郎旗下公司漫畫編劇、DJ、電影拍攝等工作，但仍未能為他帶來穩定收入。人人說做演藝遲早乞食，甚至連King Sir（鍾景輝）都勸他做幕後，演藝成功之路看似遙遠漫長。「我覺得世界上每個人都有藝術一面，亦有現實一面，我想兩邊都有機會做到」，徬徨之際剛好碰上葡撻，既能支持興趣，又是「食」的行業，於是靠膽識搏一搏。
舞台劇出身 20萬買「秘密」
若戲如人生，那方家煌的人生直是齣高潮迭起的舞台劇。當時他親自到澳門拜會葡撻始祖──安德魯餅店，洽談特許經營權後，便用20萬元買下葡撻「魔術的秘密」。其後他四出向親友借錢籌集資金，終在1997年以150萬元作本，10萬元租下山東街一個少於200方呎的地舖開始創業夢。演戲在行，做生意卻是零知識，連簽支票都手震，開舖裝修時不免鬧出笑話，「我哋搵家居裝修公司去做舖頭裝修，點知啲餐具超重，置物架負荷唔到冧咗」。方家煌以導演的心態去做，「生意就係劇本，角色就係職員，我再導戲，去安排舖頭、人手、訓練」。
當時原店安德魯表明，香港特許店只可賣葡撻及蛋糕，方家煌本來暗自苦惱，怎料開店僅兩個月，葡撻效應迅速擴散，人龍排逾三條街外，更有警察來實施人流管制，「冇預過現實超出預算咁多倍，個陣忙到連《鐵達尼號》上映到最後一日先有時間睇」。店舖最高峯每日賣12,000個葡撻，每月營業額約180萬元，更在一年內開尖沙嘴分店。雖然日日有開工無收工，但他感到辛苦、汗水換來的滿足感比賺錢更大。後來有同學主動提出合作，當時心雄掩蓋盲點的他，沒半點遲疑就決定將葡撻帶到台灣市場。
受騙欠債百萬 台工場被封
不過熱潮亦有時限，「潮就係有起有跌，只係冇諗過葡撻熱潮咁快完」。一年半後，長長人龍不復見，更接二連三傳來壞消息：安德魯因家庭糾紛將葡撻秘方賣給KFC、被同學騙走台灣市場的人手及配方等。他頓欠幾百萬債，包括以前店舖借貸、入貨成本，台灣工場未開工已被執達吏封舖，幾乎破產，「嗰陣正係千年蟲危機，我身上就有唔同嘅蟲，食緊我嘅五臟六腑，有一刻真係想喺公寓跳落嚟算」。讀演藝出身的方家煌，不禁慨嘆人性是何等醜陋，「人心難測，睇人嘅嘢一世都睇唔晒」。幸而他在信仰中得到力量，重新振作。
從葡撻而起的鬧劇，卻不是在葡撻終結。熱潮冷卻後，方家煌邊還債、邊思索出路，「唔做門市就做廠！」租了葵涌大廈工場，從山寨地踎式工場做起，但苦無人脈，惟有致電超市、便利店、學校，自薦批發葡撻、蛋糕、麵包等。直到某天接到電話，對方邀請做三文治，「當時心諗，我係葡撻級數，（三文治）咁簡單瞇埋眼都識做！但之後發現咁諗好錯」。後來雙方成為長期合作夥伴，當日打給他的，就是7-11。
2000年起，7-11開始推出新鮮食品，方家煌成為其中一間供應商，日產幾千份三文治，高峯時更達萬份，生意額比營運葡撻門市翻倍。資深音樂人金培達曾對他說：「做嘢不但要好，而係要好好。」對演藝如是，對生意亦如是。方為了做好三文治，曾到外國展覽參觀三文治機器，深深讚嘆別人的認真，「好多人都話做三文治使乜咁仔細，但唔好睇少每樣嘢，越做得專，越做得好。雖然三文治好普通，但令我從低谷做到今日嘅成績」。
人生總會碰上戲劇性時刻，只是方家煌碰得較頻密。即使如此，52歲的他很鼓勵年輕人創業，「後生夠膽，過咗40歲就唔會有Guts，所以我依家都冇Guts，而係着重認真做好件事」。從一度風靡全港的葡撻，到現在早餐例牌的三文治，方家煌明白最普通、最平凡的，才是永恆。
長青網 - 一站式長者及護老者生活資訊網站
記者：李海澄
去年12月，他曾與金培達、王祖藍合作做《唯獨祢是王II》；讀舞台導演出身的方家煌，畢業後在演藝、傳媒行業打滾逾10年，曾任黃玉郎旗下公司漫畫編劇、DJ、電影拍攝等工作，但仍未能為他帶來穩定收入。人人說做演藝遲早乞食，甚至連King Sir（鍾景輝）都勸他做幕後，演藝成功之路看似遙遠漫長。「我覺得世界上每個人都有藝術一面，亦有現實一面，我想兩邊都有機會做到」，徬徨之際剛好碰上葡撻，既能支持興趣，又是「食」的行業，於是靠膽識搏一搏。
舞台劇出身 20萬買「秘密」
若戲如人生，那方家煌的人生直是齣高潮迭起的舞台劇。當時他親自到澳門拜會葡撻始祖──安德魯餅店，洽談特許經營權後，便用20萬元買下葡撻「魔術的秘密」。其後他四出向親友借錢籌集資金，終在1997年以150萬元作本，10萬元租下山東街一個少於200方呎的地舖開始創業夢。演戲在行，做生意卻是零知識，連簽支票都手震，開舖裝修時不免鬧出笑話，「我哋搵家居裝修公司去做舖頭裝修，點知啲餐具超重，置物架負荷唔到冧咗」。方家煌以導演的心態去做，「生意就係劇本，角色就係職員，我再導戲，去安排舖頭、人手、訓練」。
當時原店安德魯表明，香港特許店只可賣葡撻及蛋糕，方家煌本來暗自苦惱，怎料開店僅兩個月，葡撻效應迅速擴散，人龍排逾三條街外，更有警察來實施人流管制，「冇預過現實超出預算咁多倍，個陣忙到連《鐵達尼號》上映到最後一日先有時間睇」。店舖最高峯每日賣12,000個葡撻，每月營業額約180萬元，更在一年內開尖沙嘴分店。雖然日日有開工無收工，但他感到辛苦、汗水換來的滿足感比賺錢更大。後來有同學主動提出合作，當時心雄掩蓋盲點的他，沒半點遲疑就決定將葡撻帶到台灣市場。
受騙欠債百萬 台工場被封
不過熱潮亦有時限，「潮就係有起有跌，只係冇諗過葡撻熱潮咁快完」。一年半後，長長人龍不復見，更接二連三傳來壞消息：安德魯因家庭糾紛將葡撻秘方賣給KFC、被同學騙走台灣市場的人手及配方等。他頓欠幾百萬債，包括以前店舖借貸、入貨成本，台灣工場未開工已被執達吏封舖，幾乎破產，「嗰陣正係千年蟲危機，我身上就有唔同嘅蟲，食緊我嘅五臟六腑，有一刻真係想喺公寓跳落嚟算」。讀演藝出身的方家煌，不禁慨嘆人性是何等醜陋，「人心難測，睇人嘅嘢一世都睇唔晒」。幸而他在信仰中得到力量，重新振作。
從葡撻而起的鬧劇，卻不是在葡撻終結。熱潮冷卻後，方家煌邊還債、邊思索出路，「唔做門市就做廠！」租了葵涌大廈工場，從山寨地踎式工場做起，但苦無人脈，惟有致電超市、便利店、學校，自薦批發葡撻、蛋糕、麵包等。直到某天接到電話，對方邀請做三文治，「當時心諗，我係葡撻級數，（三文治）咁簡單瞇埋眼都識做！但之後發現咁諗好錯」。後來雙方成為長期合作夥伴，當日打給他的，就是7-11。
2000年起，7-11開始推出新鮮食品，方家煌成為其中一間供應商，日產幾千份三文治，高峯時更達萬份，生意額比營運葡撻門市翻倍。資深音樂人金培達曾對他說：「做嘢不但要好，而係要好好。」對演藝如是，對生意亦如是。方為了做好三文治，曾到外國展覽參觀三文治機器，深深讚嘆別人的認真，「好多人都話做三文治使乜咁仔細，但唔好睇少每樣嘢，越做得專，越做得好。雖然三文治好普通，但令我從低谷做到今日嘅成績」。
人生總會碰上戲劇性時刻，只是方家煌碰得較頻密。即使如此，52歲的他很鼓勵年輕人創業，「後生夠膽，過咗40歲就唔會有Guts，所以我依家都冇Guts，而係着重認真做好件事」。從一度風靡全港的葡撻，到現在早餐例牌的三文治，方家煌明白最普通、最平凡的，才是永恆。
長青網 - 一站式長者及護老者生活資訊網站
回應 (0)
