南昌一號600呎「劏」四房業主：放到床　多間房有乜唔好？

【蘋果日報】【地產專題】三年前開賣的南昌一號上月底入伙，《蘋果》記者實測實用面積不足600方呎單位，竟「劏」成四個房間，每房約44至逾60方呎，最細44方呎房間堪稱細過囚室。但業主何太說：「只要間房放到一張床嘅話，多間房有乜唔好箒？咁佢又真係放得到一張床嘛！」
記者：陳家雄
南昌一號是單幢樓，一梯四伙，標準B及C室分別為實用面積364至367方呎的兩房單位，標準D室實用面積417至418方呎竟提供三房，但標準A室更絕，實用595方呎竟為四房戶；該盤「神則」將有限空間劏出比坊間較多房間，例如同系鴨脷洲倚南中層D室實用567方呎只為三房單位，而中層C室實用449方呎為兩房單位。
不設玄關 備開放式廚房
《蘋果》直擊高層A室，四個房間面積由44至逾60方呎。先是主人房，面積由約54方呎方形空間與逾6呎衣櫃位組成，另加數呎開門位。遷就房門及套廁門，只能靠近窗邊擺床，由窗邊拉尺度到房門邊約4呎半，身高1.7米記者瞓低，頭頂腳下仍有餘位。
被主人房衣櫃位霸佔6方呎凹位的房間，雖然面積約50方呎，且比剩餘兩個細房略大幾方呎，但現場觀感卻是全屋最細一間，相信由於無窗台觀感比下去。該房又相連工作平台，遷就房門與平台門開關後，僅餘靠牆空間放置傢俬，但仍有3呎2吋乘6呎半，夠放單人床。
另外，兩間細房面積均約44方呎，兩房均有2呎乘6呎半窗台，足夠偷位造床，現場睇落亦覺闊落。全屋不足600方呎，竟然間出四房間，關鍵除了房細，還不設玄關，且備開放式廚房，客飯廳合一約110方呎。
何太買入上述單位前，已知單位是四房神則，「佢真係放得到一張床呀！其實香港有啲樓，床都放唔到啦，依家推出啲納米樓咪仲細。所以我唔買納米樓，買大間啲，方便租畀家庭客。納米樓，你可能年年搵經紀放租，因為租客覺得唔夠住，又要搬。如果有四間房，家庭客唔會住一、兩年，立亂搬屋。依家個單位我接受到，香港地，地少人多，你要一千幾百呎，都要睇吓自己實力」。
代女付首期 貿戰「冇驚過」
這個四房神則單位是何太以近1,100萬元買入，支付兩成首期後，餘下八成由從事金融業的80後女兒供款，月供約3.7萬元，「冇打算女兒還首期畀我，反正，自己手頭有啲空閒資金，咪等佢供吓樓，做吓業主，感受吓囉。見呢度舊區重建，將來會更好，考慮目光要長遠。當時買又唔係話太貴」。
「我依家呢層樓，如果放租收3萬幾蚊，有3厘息。當樓價每年升10%，10年後咪賺番本，又賺租金」。但1997年亞洲金融風暴、2008年金融海嘯，樓市下跌，何太說：「就算樓市跌10%、20%……10年後升番一倍畀你。依家等阿女去供樓，如果佢供唔起，我咪同佢供。」至於近期中美貿易戰，她說：「冇驚過。我覺得香港樓市，有買貴就冇買錯，今年畀唔到你，或者跌咗落去，佢始終都會畀返你（樓價升）。」
長青網 - 一站式長者及護老者生活資訊網站