內地慣逼供　辯方難質疑公安證據

【蘋果日報】名譽資深大律師陳文敏逐一拆解，內地如何由蒐證、檢控、舉證、審訊、審判各個司法程序充滿弊端，以淪為政權操控工具：「你點知嗰個人有冇犯事呢？要經過程序，但（內地）個程序我哋係冇信心係公平地進行」。
法官獨立性成疑
陳文敏指出，在內地刑事檢控制度中，內地逼供情況屢有所聞，他表示︰「返咗大陸已經認罪，嗰份認罪書有幾多係自願？有幾多係逼出嚟？」
香港與內地的檢控過程更有雲泥之別。陳指在香港，控方一早要向辯方提供文件，律師很早階段已可介入，協助被告：「內地開審前先有律師，律師拎唔到文件，上到庭先有。」他又指，內地證據法仍處雛形，內地審訊仍難以質疑公安的證據，「公安代表國家，係唔質疑得㗎，國家係唔會講大話，國家話你有罪就有罪」，更可怕的是維權律師盤問公安及質疑相關證供，反而成為被告。
陳又質疑內地法官的獨立性：「法院要配合國家，首席法官都話唔相信三權分立、司法獨立，法院要為黨同人民服務。」國內司法制度更容許非聽審的資深法官作判決，「坐喺法庭嗰個可能係比較低級、初級法官，跟住後面冇聽證據嗰班人全部係黨嘅黨員，佢哋去判，所以點解中國所有嚴重案件無一倖免百分之一百入罪」。
■記者梁穎妍
長青網 - 一站式長者及護老者生活資訊網站