「港人企硬　我哋支援」

【蘋果日報】「我希望全部香港人都出嚟（集會），因為可以話係生死一戰。」移居加拿大30年的港人Ivy說，她在80年代移民後已沒有留意香港發生的事，直至2014年雨傘運動，重燃她對香港關切的那團火。她表示，送中惡法已不再是香港和中國的事，全球人都受送中威脅。
Ivy在港從事美術設計，1982年到美國進修，隨後申請移民加拿大，移民是源於不認同香港功利主義。她認為，移民是人生中最好一個決定。
欣賞年輕一代為港爭取
1999年，她因健康問題移居溫哥華生活至今，直到2014年民主黨創黨主席李柱銘和前政務司司長陳方安生到溫哥華講述香港情況，「當時係傘運前，我先第一次聽佔中呢個字，仲問咩叫佔中，發覺人人都知，得我唔知，之後上網摷番晒香港發生咩事，先知之前有反國教，有個細路叫黃之鋒」。
傘運對Ivy的衝擊很大，重新關注香港問題，「係好開心新一代唔係淨係講錢，反而講理想，願意爭取」，與她過去對金錢掛帥的香港印象不一樣，「雖然香港仲係物質主義，但仍有人追尋理想，好似我年輕一樣，我欣賞佢哋，好想幫佢哋」，遂與友人組織「溫哥華香港之友」，「主要係留意香港發生啲咩，喺度可以點幫到」。
現時有約30萬名加拿大公民於香港長期居住和工作，「呢班人死梗，如果送中（通過）會受到威脅，仲有好多加拿大公民會去香港，因為生意、旅遊、探親等唔同原因」。
過去一、兩年加拿大情報局和專門研究中國的人開始不斷警告政府，「我哋有危險，民主體制有危險，我哋本身主權獨立有危險，我哋商業資訊同國家安全全部受到威脅，因為佢（中共）spy on（監視）我哋，偷我哋情報」。
被問到日後會否回流香港，Ivy說：「一定唔返，我唔能夠忍受絕對冇自由。中共對人民最大傷害，將國家文化同靈魂摧毀，好嘅價值觀破壞」。她寄語港人一定要抗爭到底，「一定要繼續咁做，香港人如果都唔掙扎，我哋喺外面係冇辦法支援」，希望全港市民上街集會，這是關乎港人生死一戰，「你唔企硬嘅話，可能之後會係一個萬劫不復嘅位置」。
長青網 - 一站式長者及護老者生活資訊網站