英皇國際賣樓不忘做善事

【明報專訊】雖然家社會有一股仇富嘅心態，但好多企業其實一直都有捐錢做善事；呢排賣樓成績不俗嘅英皇國際（0163），噚日公布最新開盤部署後，公關姐姐就向在場記者，每人派咗一份為善終機構「善寧會」慈善步行籌款嘅宣傳單；佢哋話希望透過傳媒呼籲，令更多人知道呢項活動，籌到更多錢。

當奴張：一直有贊助善寧會

小琴噚晚就搵咗英皇執董當奴張（張炳強）問吓，佢話英皇一直有贊助善寧會，佢本人就更加係善寧會嘅執委，每年除咗親身參加步行籌款外，仲會帶一班同事去做義工。講番今年嘅善寧會步行籌款，下星期日（27日）喺大欖郊野公園進行，聽講英皇「事頭婆」陸小曼會主持開步禮；有興趣查詢嘅朋友，可以打28681211呢個電話查詢。小琴仲發現，有份贊助善寧會嘅大機構，仲有新地（0016）、九倉（0004）同渣打銀行（2888）等等。