黃建業話有「搬屋癮」

【明報專訊】前晚正係元宵佳節，美聯就喺灣仔會展舉行今年嘅周年晚會，晚會以「白馬高飛、日月爭輝、樓市騰飛」為主題。會上自然唔少得美聯老闆黃建業同大家致辭，分享集團成功秘訣。佢話公司能夠成為業界龍頭，發達秘笈就係工作要全情投入。佢強調，要「一生一個職業，一生一個投資」，更自稱有舖「搬屋癮」，為咗工作，搬咗20幾次屋。

佢話由最初創立美聯嘅美孚，搬到太古，及至山頂豪宅區，堅持「做到邊，住到邊，食到邊，睡到邊」。另外，佢又話，美聯集團創立至今已有38年，要全情投入工作，最緊要有「三Fit」，包括身體要Fit，心智要Fit，財政都要Fit！