報紙廣告市場勁縮水

【明報專訊】香港廣告客戶協會噚日公布咗「廣告預算調查」嘅結果，除咗調查客戶會唔會增加廣告預算外，仲公布客戶喜歡用咩渠道來宣傳產品。唔使小琴講都知，喺呢個一人一smartphone 嘅時代，好多客戶都想增加用網上社交媒體同流動應用程式，即係所謂嘅apps來做宣傳推廣。不過今次調查指出，網絡媒介雖然普及，但係好難量度回報，對廣告客戶係一大挑戰喎。

至於大家家睇緊嘅報紙，就愈來愈不受廣告客戶歡迎喇。事關喺2009年報紙廣告仍然佔整體廣告預算嘅28％，拋離第2位嘅電視廣告6個百分點，不過去到2010年，兩者的佔比叮噹馬頭，都係26%，到今年花喺報紙廣告上嘅預算，預計就跌至22％，第1位就係27％嘅電視廣告。可想而之，報紙對廣告客戶嘅吸引力，大不如前。