紀錄片《Inside Job》 重新審視金融海嘯

【明報專訊】小琴係電影迷，香港電影節即將開鑼，呢幾日就咪場刊睇吓有咩好戲。其中一套美國紀錄片同金融界有關，名為《呃錢帝國》（Inside Job），呢套片大有來頭，獲得今屆奧斯卡最佳紀錄片提名。

訪問歐美亞財經專家

電影內容總結2008年金融海嘯的因果，訪問咗歐洲、美國、亞洲嘅財經專家、政客、學者等，批評華爾街文化、銀行囤積財富制度，仲搵咗荷里活明星麥迪文配音。想先睹為快，可以到網站睇介紹片段http://www.sonyclassics.com/insidejob/。金融海嘯過咗3年，餘波未了，美國政府仲處理緊海嘯後嘅爛攤子。至於香港嘅立法會雷曼迷債小組仲調查緊事件，小組由2009年初成立，預計審到今年4月，寫報告都要一年時間，明年先有結果。