新聞類別
財經
詳情#
【明報專訊】中原大股東王文彥認同，預算案的推地政策未能即時有效調控樓市，是「遠水不能救近火」，但不同意所有措施都要立即見效，最重要是市場「信唔信政府可以兌現！」（即3至4萬個供應是否落實），不過市場好明顯唔信。「你睇早前開徵的短炒額外印花稅（SSD），一個月後樓市又再反彈向上，市場炒家雖然絕迹，但用家及長線投資者的需求不減，因為市場對樓價向上的預期不變。」王指出，好大程度是內地投資者在港購置物業比例愈來愈大，部分豪宅更達至30%至40%。
他認為，只有仿效內地「限購令」，限制內地投資者不斷入市，以及改變市場對樓價只升不跌的預期，樓價才會出現回調的可能。不過，他覺得政府短期不會有進一步的針對措施，只會見步行步。
「樓市有周期，現時部分單位已經升穿97價，如果想呢個時候入市真係要諗清楚，即使今年樓價升10%，明年再升5%……但唔會一直升落去，亦唔能夠忽視美國年底加息的可能、而且內地正不斷控制通脤升溫，對本港樓市可以話全部利淡。更值得注意的，是家入市買樓要被綁兩年（否則被徵額外印花稅），高位入市真係要三思！」
回應 (0)
