九倉商業電話 唔怕辦公室大調位

【明報專訊】各位有無試過公司同事調位，搞到直線電話號碼大兜亂呢。九倉（0004）旗下商業電訊商九倉電訊，噚日聯同思科推出全新嘅中小企業電話方案。聽九倉電訊商業市場副總裁潘錦堂講，若然用上新嘅IP電話，同事調位就無煩惱，事關每部直線電話號碼會跟住同事部電話，只要同事帶埋部電話調位，插上電話線，直線電話號碼就會跟住轉。

電話號碼跟機走

潘錦堂仲話，新嘅IP電話功能多多，電話線可以充當上網嘅Lan線，中小企可以慳番上網拉線嘅費用，IP電話亦都會唔同嘅商用功能，就好似線路組別管理、來電服務台等等。潘錦堂講，呢套IP電話比傳統商業電話，價錢平得多。家買一套中小企8條線電話套餐，電話硬件連系統安裝盛惠9000幾大元，每個月嘅月費大概300元至400元左右，至於可以慳番多少，真係要留各位畀格價專家定斷。