日本大地震日 大昌行執董沽貨

【明報專訊】日本大地震發生之後，小琴十分好奇日本私家車品牌代理大昌行（1828），會否受到影響，遲啲會唔會冇貨賣。小琴發現，港交所的權益申報資料顯示，大昌行執行董事麥烱添就喺3月11日（大地震發生當日），以每股平均9.04元，沽出大昌行30.8萬股份，套現接近280萬元，唔知有冇玄機。

地震發生之後，日本大部分車廠停產，市場都擔心大昌行未來嘅貨源供應。地震當日，大昌行股價即時跌3%至8.95元，對上3個交易日累積跌咗超過7%，至噚日收報8.51元。

麥烱添其實間唔中都會沽啲大昌行股份，今次減持咗啲，都繼續揸住130萬股。由於港交所嘅資料無顯示麥烱添沽貨時間，唔知麥烱添在地震發生前抑或後沽貨。