山西煤老闆搞千人婚宴

【明報專訊】聽聞第一隻人民幣新股——長實（0001）旗下的人民幣匯賢房託，最快本月底上市。小琴日前應長實邀請，赴北京考察此房託的主要資產——北京東方廣場。下榻嘅東方廣場君悅酒店，房間質素當然不差，但呢處最出名卻是飲食。

聽聞籃球明將姚明都喺呢度舉行婚宴。而長實重臣兼東方廣場董事長甘慶林就舉咗個例子。

婚宴收650萬 每位6500人仔

話說一位山西煤礦老闆，舊年1月嫁女，指定要北京君悅籌備飯菜。相隔千山萬水，一干人馬帶齊鍋碗瓢盆，甚至椅同櫈，親赴當地備酒。婚宴賓客1000人，君悅東併西湊從各地調集員工200人，用咗6輛旅遊巴、6輛貨車，行足12個鐘，趕到當地。這樣的陣勢想來不會廉宜。各位估下費用幾多？每人6500元人仔！一餐飯食掉650萬！真正巴閉！