地產代理爆粗 罰釘牌7日

【明報專訊】噚日地監局公布有兩名地產代理因為對住同行講粗口，所以被暫時釘牌7日。小琴知道，有部分代理有時都會講吓粗口，發泄一下情緒（小琴當然覺得最好唔好講喇），但就唔知今次案發經過，因乜事要搞到釘牌咁大件事，是否有其他市民投訴等？不過，小琴向地監局打聽，對方話要稍後才能回覆。

地產代理聯會主席郭德亮話，地監局真係要解釋下單野是否有乜特別原因，要罰到暫時釘牌咁嚴重，而不是訓誡，係唔係那兩個代理上到紀律聆訊，都係態度欠佳，還是有其他因素呢？佢話，地監局應盡快披露個案的部分情節，讓業界得知監管局的準則，好讓他們趨吉避凶。

指違操守 「行業信譽受損」

官府指出，該兩名代理分別因為以粗言穢語辱駡兩名以及一名代理，各被罰釘牌7日。兩個人所犯嘅係沒有遵守《操守守則》第3.7.2段﹕「地產代理和營業員應避免做出可能令地產代理行業信譽及甎峖W聲受損的行為」。小琴不知道這次是否歷來首次有代理因講粗口被罰，但小琴有時都去下新盤售樓處，有時兵荒馬亂，粗口的確唔係少。