新聞類別
財經
詳情#
【明報專訊】「盲搶鹽」幸好一日就完，不過，奶粉搶購潮仲未落畫，藥房仲有家長排長龍幫BB掃奶粉。卓悅（0653）噚日特別發出一張新聞稿，話災劫當前，良心至上，奶粉維持原價，唔會從中抽水。新聞稿嘅字眼用到「良心送暖，奶粉原價不變；不謀不幸之災，不斂不義之財」，強調日本國難當前，唔會發國難財。
卓悅話日本核電輻射泄漏，香港市面爆發奶粉搶購恐慌。卓悅各分店緊守崗位，「為日本災民祈福，為中華父母分憂，耗體力，抗壓力，勞心力，加班應急，繼續服務社會，秉承忠實作風。奶粉與其他產品，維持原價發售。」
小琴睇到啲字眼咁感人肺腑，點解卓悅出張咁嘅通告嚟以正視聽？公關話卓悅近期發現，有報道講無良商戶狂加奶粉價時，混淆視聽，於是卓悅急急出嚟澄清，表明冇加價。
現只於指定分店售奶粉
咁呢期奶粉搶購熱，卓悅又點樣應對大批群眾？公關話截至上周，卓悅喺指定6間分店出售奶粉，雖暫停網上訂購，但每日尚可供應萬幾罐。
報料電郵﹕piano@mingpao.com
回應 (0)
