信和千萬為亞太中心「升呢」

【明報專訊】不少商廈為提升租值而變身做醫務中心，原來醫務中心也有不同級數。就如信和集團旗下尖沙嘴亞太中心，其中5層早就闢作醫務樓層，為咗「升呢」，近月就斥資成逾千萬元做優化工程，全面翻新環境設施，並引入大量各科頂尖醫療業戶，話要打造成為尖沙嘴的全方位星級醫療中心喎。

小琴聽信和方面解釋，為何「升呢」要花成過千萬元，原來高質醫療機構有唔少特別要求，尤其係用水同空氣系統，要求更係特別高，所以除咗翻新各層洗手間，更加安裝智能感應冲水系統及優化冷氣系統等，而預料所有工程將於今年第三季竣工。佢哋仲話，其中較早前做完冷氣系統優化工程後，亞太中心更獲由環境保護署頒發「室內空氣質素《卓越級》」最高標準。

至於物業管理方面亦作出配合，包括安排員工接受急救訓練，以及要嚴謹跟進醫療廢料的善後工作。