稻香：最低工資太敏感 遲啲先講

【明報專訊】呢排最hit嘅話題都離唔開最低工資，飲食業首當其衝受影響，噚日稻香（0573）舉行業績發布會，大家當然唔放過呢個好機會問吓最低工資嘅問題。不過，稻香行政總裁梁耀進就話，公司有幾多人唔夠最低工資每小時28蚊嘅水平，係一個敏感話題，會喺適當嘅時候披露喎。

小琴查閱稻香2009年時嘅年報，稻香當時有員工近7000人，人工開支大概7億元，計落每人平均月薪都有8000蚊以上，唔算好低，不過做飲食業或中式酒樓，好多崗位都係低收入者，而且工作時間長，所以稻香話呢個係敏感話題都唔出奇。

對於最低工資嘅影響，梁耀進就強調稻香有競爭優勢，相信唔會對盈利有影響，而且集團由2003年開始就進行店舖自動化，可以減少人工嘅開支咁話。