瑞金再有獨董「跳船」

【明報專訊】香港金融市場經常話要提升「公司管治」，好似今年初港交所（0388）提議董事局要有三分之一成員係獨立非執行董事，不過好似喺5月開始停牌，到家都未復到牌嘅瑞金礦業（0246）咁，噚日又有個獨立董事肖祖核辭任，停牌唔夠兩個月就有兩名獨立董事「跳船」，小琴睇完覺得，就算成個董事局都係獨董，咪又係嘥氣。

瑞金喺5月底因為畀本地媒體話存在「兩本數簿」，一本賺一本蝕，一本畀香港一本畀內地，其後又傳出公司大股東吳瑞林抵押公司資產提取貸款，搞到公司喺5月29日停牌後一直復唔到牌，恒指公司仲話因為佢「停牌超過1個月」將佢剔出恒生綜合指數。

與此同時，兩個獨董麥建光同肖祖核喺相差約莫兩個嚟拜時間內先後辭職，原因大同小異都係要專注個人事務之類，但就異口同聲話無特別事情需要注意，唔少金融界人士都話「亵味」甚重。