楊元慶減持聯想 套400萬

【明報專訊】聯想（0992）總裁楊元慶自從上個月斥31.5億買入聯想近8億股之後，一直都冇乜其他動作。噚日聯交所股權資料就顯示，楊元慶喺今個月15日，就喺場外以每股3.95元減持100萬股，略略套現咗近400萬元。

雖然出售咗100萬股，但楊元慶持股只係略跌0.01個百分點，持好倉由9.25%降至9.24%。有趣嘅係，今次楊元慶減持嘅每股平均價，同佢6月增持聯想嘅平均價一樣，究竟呢批在場外交易的股份，作用係乜，同楊元慶融資買股有冇關呢？

楊元慶喺6月17日以31.5億元，買入聯想集約7.97億股，一躍成為聯想嘅第3大股東。楊元慶舊年人工高達9272萬元，喺本港其中一名最高薪嘅上市公司管理層。雖然係咁，但係佢之前斥逾30億元買入聯想股份，令到外界好關注佢嘅資金，究竟係由邊度嚟。