原訴人不想上訴﹕矇查查做咗傻婆

【明報專訊】現年66歲、申請覆核港珠澳大橋環評的朱綺華婆婆，昨午在東涌富東邨家門外接受有線電視訪問時，表明不會上訴，更自稱「根本不是有心搞」司法覆核，承認在事件中「矇查查」。但她強調不會公開叫她去申請覆核的人士的身分，「我唔需要講，呢樣我唔會公開，邊個叫我做都好啦，我唔公開，做咗傻婆啦，算啦！」

拒透露誰叫申覆核

對於朱綺華指有人叫她打官司的說法，公民黨副主席黎廣德回應，這是朱和其律師團隊的事。他相信朱向電視台記者說這番話時，未與律師黃鶴鳴會面，「唔知係咪深思熟慮」，大家毋須解讀太多。他強調公民黨不是幕後推手，但又指朱確曾與地區黨員接觸，稱擔心工程的影響，但拒絕透露地區黨員有否建議打官司或介紹律師。

環評官司政府上訴得直，朱婆婆表示不會上訴﹕「唔搞啦，根本我都不是有心搞（覆核）的，不過佢哋（有人）同我講，我又矇查查，我老人家識乜嘢？」並認為自己「點有咁嘅能力」去影響大橋是否興建。

不知牽連廣 「個心唔安樂」

在有線訪問中，朱婆婆稱起初是有擔心大橋會致環境污染，影響老人家及小朋友，故按他人建議出來表達看法。「我以為就咁講幾句，算啦，點知搞到咁大件事，又畀我啲仔鬧。我啲仔女話﹕『媽，你再搞呀，對唔住講一句，唔理你㗎喇』。」

對於覆核引發的影響及後果，朱婆婆坦言有不開心，「我唔知道牽連到咁多人無嘢做（失業），我反而真係好唔安樂。污染梗係唔好啦，唔（再）想啦，但係唔做都做咗，咁我個心係好唔安樂」。

該訪問又引述朱婆婆澄清，她不是如外界所說是文盲，懂得簽自己名字，只是讀書不太多。

本報記者昨午有到富東邨朱婆婆所住大廈，她曾開門回應，但只留下一句「唔好意思」便關門。未知是否由於有很多傳媒欲找婆婆，故保安有所加強，晚上保安一度報警驅趕記者，亦一度有保安員在婆婆居住樓層留守。