《貨幣戰爭》變身Online Game

【明報專訊】睇過《貨幣戰爭》嘅讀者，相信一定對書中描述嘅幾大家族操控環球政經大局、策動歷史事件呢一類情節記憶猶新。本書亦因為呢種近乎小說嘅寫作手法，於兩岸三地大受歡迎，就嚟出到第4本。


但估唔到嘅係，原來呢本書嘅作者宋鴻兵並不滿足於文字，近日佢又趁勝追擊，推出同名網絡遊戲喎。據宋鴻兵嘅微博介紹，呢款遊戲將以18至19世紀工業革命為背景，拿破侖戰爭與歐洲金融崛起為主線，玩家可選擇國家、家族甚至個人為角色參與其中，從事生產、交易、情報蒐集、金融、政治活動，甚至發動戰爭。


遊戲中亦都包括作者書中提到嘅國債博弈、商品囤積等元素，聽落都幾過癮！另外玩家用iPhone同iPad都可以關注「戰爭」進程。可惜呢款遊戲目前仍處於測試階段，讀者可能要等多一排喇。