有線﹕無補充

【明報專訊】上星期四，特首曾蔭權喺一個頒發新聞獎嘅活動上致辭，佢話上年8月睇到一個報道，話英超聯賽開波頭3日，有線電視收到多達9萬宗查詢，有睇波嘅煲呔好關心呢單新聞，但質疑點解有線嘅客戶服務系統可以咁勁，平均一日處理3萬宗查詢呢？

查實呢個報道係出自《明報》，特首有疑問，Emily當然要追查，於是問有線發言人，究竟當日佢哋係咪如煲呔所言，佢嘅同事問咗之後回報話，可能有線相關人士回應查詢，不耐煩隨口講晦氣話「有9萬幾個查詢」，於是出現呢個大字標題。


有線發言人日前回應話，佢哋喺呢件事上「沒有補充」，至於佢哋嘅系統一日可以處理幾多查詢，發言人話，呢個係公司內部問題，唔會回應喎。