新聞類別
財經
詳情#
【明報專訊】正所謂「受人錢財，替人消災」，小琴講緊係幫一化控股（2121）做保薦人嘅摩根士丹利，皆因佢哋收咗接近3600萬港紙佣金，實收佣金率高達6.7%，比起周大福（1929）得1.5%，高咗幾倍。不過收得個客錢，大摩都唔敢怠慢，噚日落力入市頂住個股價，成功令一化成為噚日3隻上市新股中，唯一一隻有得升嘅新股。
話說上個禮拜講過周大福上市投行佣金係全城最抵，但小琴睇番一化招股書，大摩喺招股書列明話會收取460萬美元（約3588萬港元）或者集資總額嘅3.5%做佣金，以高者為準，計番一化今次用2.7元定價，集資額5.4億，佣金率即係6.7%！
高達7% 冠絕新股
有相熟嘅賓架同小琴講，投行一般佣金率由2.5%到4%不等，視乎集資額大小而定，當然集資額愈細嘅刁，佣金率就愈高，但都好少高過4%，亦好少好少會用定額形式抽佣囉。
其實就算一化今次用上限定價，再行使埋超額配股權，按3.5%佣金率計，佣金都係2600萬左右，所以大摩根本係坐定粒六等收嗰460萬美金。不過大摩收得錢都唔係唔做嘢，噚日一化上市，上晝同其他兩隻新股一樣低過招股價，大摩就即刻擺出大量「摩根士丹利」買盤護駕，最終頂住招股價收市，咁都叫交番足功課呀。
email:piano@mingpao.com
話說上個禮拜講過周大福上市投行佣金係全城最抵，但小琴睇番一化招股書，大摩喺招股書列明話會收取460萬美元（約3588萬港元）或者集資總額嘅3.5%做佣金，以高者為準，計番一化今次用2.7元定價，集資額5.4億，佣金率即係6.7%！
高達7% 冠絕新股
有相熟嘅賓架同小琴講，投行一般佣金率由2.5%到4%不等，視乎集資額大小而定，當然集資額愈細嘅刁，佣金率就愈高，但都好少高過4%，亦好少好少會用定額形式抽佣囉。
其實就算一化今次用上限定價，再行使埋超額配股權，按3.5%佣金率計，佣金都係2600萬左右，所以大摩根本係坐定粒六等收嗰460萬美金。不過大摩收得錢都唔係唔做嘢，噚日一化上市，上晝同其他兩隻新股一樣低過招股價，大摩就即刻擺出大量「摩根士丹利」買盤護駕，最終頂住招股價收市，咁都叫交番足功課呀。
email:piano@mingpao.com
回應 (0)
