盛品儒選IT界包尾落敗

【明報專訊】泛民名單「IT呼聲2012」喺選委會資訊科技界全取20席，風頭一時無倆。不過，有人歡喜有人愁，獨立參選嘅亞視執行董事盛品儒就只攞得113票咁大把，包尾落選，唔知係咪同佢早前喺立法會公然講大話，死撐亞視高級副總裁鄺凱迎無催促新聞部報道國家主席江澤民「死訊」有關，令選民唔buy佢？


建制派今年喺IT界積極搶灘，早前鬧出「種票風波」嘅iProA兵分三路參選。雖然iProA會長鄧淑明同創會會長葛珮帆都成功當選，但只係取得700票左右，較泛民候選人莫乃光嘅1466票差成倍，該會總幹事趙鈺銘更以338票落敗。有網民睇到呢個結果，即刻揶揄iProA「種票失敗」。至於首次出征嘅高登總裁林祖舜，只取得418票，亦無緣當選委。