劉明康中山大學執教鞭

【明報專訊】內地三大金融監管部門最高領導層今年10月底大換班後，事隔個多月，接棒人已各就各位順利完成交接工作，而卸任無耐嘅銀監會前主席劉明康，就決定退而不休，去中山大學執起教鞭作育英才。


據內地《財新網》報道，劉明康已受聘為中山大學教授，同埋中山大學嶺南學院名譽院長。佢會喺明年春季開始，正式喺中山大學授課，講授國際金融監管、銀行監管、產業結構調整等內容。


講授金融銀行監管

劉明康自2003年出任銀監會主席，一做就做咗8 年，期間，除咗成功推動內地銀行業改革，見證國有銀行完成股改並上市之外，亦為內地銀行業奠定監管體制，金融海嘯後，更借鑑歐美金融體系的經驗，加強對內地銀行業的資本及流動性風險監管。


可以話，劉明康本身就係一本銀行業百科全書，由呢位咁具分量既教授親身講解金融監管課題，肯定最合適不過。小琴覺得，劉明康唔單止可以吸引更多尖子報讀中山大學，相信唔少銀行業人士都會心思思想去聽課。