洪丕正認睇錯兩件事

【明報專訊】呢個世界無嘢可以預測得到，有啲嘢係要望番轉頭先知自己錯過。渣打香港行政總裁洪丕正（圖）同小琴講，佢今年睇錯兩樣嘢，一樣就係年初無諗到歐債危機咁大鑊，另一樣就係無諗到人民幣一年間的發展可以有咁大轉變。


洪丕正話，歐債唔止金融問題，家演化到政治問題，係佢年初始料不及嘅，另外，人民幣的境內境外匯價、買入買出同埋存貸比例，喺呢一年間都變化好大。佢接受外電彭博訪問時仲話，出年香港嘅人民幣貸款可能飈到上1000億元人民幣咁犀利，較家增長近5倍，因為其他貨幣供應緊張，人民幣貸款有無咁勁呢？大家一於拭目以待。


無諗到歐債咁大鑊

其實睇啱睇錯唔緊要，班員工最關心就係，出年有無人工加，洪丕正拍心口話有，但至於加幅就口密唔肯講，只話與表現掛鈎喎。