新聞類別
財經
詳情#
【明報專訊】停咗牌7年半嘅大凌集團（0211）今日終於復牌喇，到底值1仙嘅股價會點行法，小琴都好心急想睇吓。噚日幾經辛苦，終於搵到大股東，人稱「大凌張」嘅張志誠傾幾句。
交畀仔女搞 升跌都唔關佢事
佢同小琴講，自己已經交晒公司啲嘢畀仔女搞，第時亦唔會再理啲業務。咁家搞緊咩？佢話讀緊書、得閒見吓啲朋友咁。仲話大凌個股價，無論升定跌，都唔關佢事，跟住就匆匆忙忙收線喇。
話說有得復牌，都係大凌張同佢太太楊杏儀，加埋執董陳志媚，三個人齊齊唔做董事或管理層先至成事。有消息人士話，大凌啲股東分兩派，一派係大凌張夫婦，揸住21%股份。另一派係好耐都無申報持股量嘅Daswani Rajkumar、孫進林同林文三個人。根據港交所嘅資料，佢哋揸住最少13%以上股份。消息話，兩派人唔妥對方，成日搞對抗。佢提醒啲股民，就算股價點升都好，間公司啲股權仲係「立立亂」，咪亂咁入貨，費事無端端中伏啦。
消息人士：股權混亂 咪亂入貨
大凌由2004年開始，因為供股申請畀唔足資料，同港交所、證監會解釋，結果停牌停足7年半。咁多年嚟，有唔少小股東驚股票變牆紙，周不時去港交所請願。仲有人入稟法院，要求港交所畀大凌復牌添，好在今日「翻生」喇。小琴覺得，呢壇嘢唔會咁快完，日後會點搞，大家拭目以待啦。
email:piano@mingpao.com
交畀仔女搞 升跌都唔關佢事
佢同小琴講，自己已經交晒公司啲嘢畀仔女搞，第時亦唔會再理啲業務。咁家搞緊咩？佢話讀緊書、得閒見吓啲朋友咁。仲話大凌個股價，無論升定跌，都唔關佢事，跟住就匆匆忙忙收線喇。
話說有得復牌，都係大凌張同佢太太楊杏儀，加埋執董陳志媚，三個人齊齊唔做董事或管理層先至成事。有消息人士話，大凌啲股東分兩派，一派係大凌張夫婦，揸住21%股份。另一派係好耐都無申報持股量嘅Daswani Rajkumar、孫進林同林文三個人。根據港交所嘅資料，佢哋揸住最少13%以上股份。消息話，兩派人唔妥對方，成日搞對抗。佢提醒啲股民，就算股價點升都好，間公司啲股權仲係「立立亂」，咪亂咁入貨，費事無端端中伏啦。
消息人士：股權混亂 咪亂入貨
大凌由2004年開始，因為供股申請畀唔足資料，同港交所、證監會解釋，結果停牌停足7年半。咁多年嚟，有唔少小股東驚股票變牆紙，周不時去港交所請願。仲有人入稟法院，要求港交所畀大凌復牌添，好在今日「翻生」喇。小琴覺得，呢壇嘢唔會咁快完，日後會點搞，大家拭目以待啦。
email:piano@mingpao.com
回應 (0)
