李錦榮食回頭草 8年後重返富達

【明報專訊】「大笨象」匯豐控股（0005）早前宣布香港業務大瘦身，一班中層亦陸續離職。不過小琴發現，匯豐香港呢一班舊臣，有唔少都搵到唔錯嘅新路數。最新嘅例子要屬匯豐前亞太區財富管理業務區域主管李錦榮，基金富達國際噚日就宣布委任佢為亞洲（日本除外）零售業務區域主管。


之前嘅跳槽就有匯豐前香港區總裁馬凱博，離職後跳槽至美國資產管理公司貝萊德任亞太區主席。


行內打拼廿年

洋名叫Bruno嘅李錦榮，其實與富達國際投資早有淵源。於1991年佢就已經加入富達，先後從事市場推廣、零售銷售與營運及分銷業務，一做就12年。2004年過檔景順（Invesco）任行政總裁，之後又跳到匯豐。喺行內打拼20年嘅佢，呢次可以話係強勢回歸，佢同富達會再擦出點樣嘅火花，大家翹首以待。