新聞類別
財經
詳情#
【明報專訊】股票市場流行炒概念，香港就不時都會喺大年大節前夕炒吓零售股，但勢估唔到家連內地A股市場都學識呢一招，好似近日香港再次爆發禽流感，雖然A股指數繼續尋底，但一批內地醫藥股就食住禽流感呢個消息炒起咗，好似專門生產抗生素嘅魯抗醫藥，噚日逆市勁升不多一成，你都咪話唔勁！
近日禽流感再現香港，搞到特區政府好緊張，前日就喺長沙灣殺咗1.7萬隻活雞，搞到小琴同唔少市民噚日做冬，都只可以買冰鮮雞過節。不過，香港人有香港人愁，內地股民就走去炒禽流感概念股，除咗魯抗之外，專做禽流感疫苖嘅海王生物都升咗5.14%，不過佢喺香港上市嘅子公司海王英特龍（8329）就無得受惠，噚日股價跌咗1.2%。
港產禽流股英特龍無人理
其實股票市場好現實，不過諗深一層，呢啲所謂嘅概念股，同實際情况大部分時間真係大纜都扯唔埋，小琴就記得今年年初日本海嘯，糧食短缺危機令香港唔少糧食股炒起咗，轉頭又話日本重建帶動建材股股價上升，但實際上，有幾多糧食係由嗰啲公司送去日本，又到幾時先要向建材公司買貨呢？
小琴就奉勸內地股民一句，細心嘅投資者都知道呢啲概念股好多時都係投機性質，見好就要識收，千祈唔好學一半唔學一半呀！
email:piano@mingpao.com
近日禽流感再現香港，搞到特區政府好緊張，前日就喺長沙灣殺咗1.7萬隻活雞，搞到小琴同唔少市民噚日做冬，都只可以買冰鮮雞過節。不過，香港人有香港人愁，內地股民就走去炒禽流感概念股，除咗魯抗之外，專做禽流感疫苖嘅海王生物都升咗5.14%，不過佢喺香港上市嘅子公司海王英特龍（8329）就無得受惠，噚日股價跌咗1.2%。
港產禽流股英特龍無人理
其實股票市場好現實，不過諗深一層，呢啲所謂嘅概念股，同實際情况大部分時間真係大纜都扯唔埋，小琴就記得今年年初日本海嘯，糧食短缺危機令香港唔少糧食股炒起咗，轉頭又話日本重建帶動建材股股價上升，但實際上，有幾多糧食係由嗰啲公司送去日本，又到幾時先要向建材公司買貨呢？
小琴就奉勸內地股民一句，細心嘅投資者都知道呢啲概念股好多時都係投機性質，見好就要識收，千祈唔好學一半唔學一半呀！
email:piano@mingpao.com
回應 (0)
