新聞類別
財經
詳情#
【明報專訊】服務咗新世界發展（0017）足足40年嘅堅叔梁志堅，終於公布下年1月1日起就全面同新世界講拜拜，而家非執行董事同首席顧問嘅職位都會全面請辭。作為彤叔鄭裕彤嘅頭馬，堅叔今年就已經退下火線，但卻係退而不休，熱愛工作嘅佢，一日喺新世界仲有職銜，聽講都1個星期返足5、6日工，同一般打工仔無異。今次選擇全身而退，睇嚟係想認真享受退休生活喎！
小琴見過堅叔同彤叔打招呼時，都係「喂」一句及點點頭，反映佢同彤叔嘅關係，並非一般老闆伙記關係咁簡單，可以講得話係拍住上一齊打天下嘅手足。堅叔自1971年加入新世界，更是第一個以新世界發展名義聘請嘅員工，一個人主理所有地產業務。
拍住彤叔40年 打天下
數落堅叔今年已經七十有二，而新世界嘅法定退休年齡係70歲。記得上年年尾由行政工作轉為顧問工作時，佢已經講明會將工作慢慢交帶畀啲後生仔，等班後輩上位。
堅叔擔任非執董每年董事袍金15萬元，而首席顧問一職月入都有32.4萬元，但家住淺水灣道32號嘅佢，間屋都市值2億，當然唔需要好似一般打工仔咁，驚住退休後無收入啦，通告話，堅叔決定投放更多時間於其個人事務，相信佢嚟緊嘅退休生活，或者會多啲投放喺地建會嘅工作上，但相信仲有好多時間打吓哥爾夫球、做吓運動，的確令人羡慕非常！
email:piano@mingpao.com
小琴見過堅叔同彤叔打招呼時，都係「喂」一句及點點頭，反映佢同彤叔嘅關係，並非一般老闆伙記關係咁簡單，可以講得話係拍住上一齊打天下嘅手足。堅叔自1971年加入新世界，更是第一個以新世界發展名義聘請嘅員工，一個人主理所有地產業務。
拍住彤叔40年 打天下
數落堅叔今年已經七十有二，而新世界嘅法定退休年齡係70歲。記得上年年尾由行政工作轉為顧問工作時，佢已經講明會將工作慢慢交帶畀啲後生仔，等班後輩上位。
堅叔擔任非執董每年董事袍金15萬元，而首席顧問一職月入都有32.4萬元，但家住淺水灣道32號嘅佢，間屋都市值2億，當然唔需要好似一般打工仔咁，驚住退休後無收入啦，通告話，堅叔決定投放更多時間於其個人事務，相信佢嚟緊嘅退休生活，或者會多啲投放喺地建會嘅工作上，但相信仲有好多時間打吓哥爾夫球、做吓運動，的確令人羡慕非常！
email:piano@mingpao.com
回應 (0)
