傳陳振聰堂弟 沽曼克頓山賺810萬

【明報專訊】商人陳振聰除咗同華懋之間嘅爭產官司廣為人知外，亦是一名物業投資者，估唔到佢堂弟炒樓亦都有一手。資料顯示，陳振成及有關人士，新近就以2360萬賣出持貨3年幾嘅曼克頓山一個單位，帳面賺幅超過五成，而陳振成與陳振聰堂弟同名。


土地註冊處資料顯示，荔枝角曼克頓山2座低層B室，今個月中以2360萬元沽出，以單位面積1760方呎計，呎價約13409元，屬市場合理價成交。原業主於2008年以潤嘉有限公司名義以1550萬元購入，該公司董事包括陳振成及蕭慧蓮，前者與陳振聰堂弟同名，計落陳振成家帳面賺810萬元，物業升值52%。買家方面，登記名為普通話拼音Zhang Xiao Qin，估計是內地人。