新聞類別
財經
詳情#
【明報專訊】華人置業（0127）主席劉鑾雄享有「股壇狙擊手」美譽，財技又了得，甚至連投資藝術品都難唔到佢，雖然係咁，由大劉主理嘅華置近排投資戰績就認真麻麻，噚日公布，話2011年出售股票投資蝕咗成12.486億銀，另外仲有啲未變現嘅帳面虧損，都會入落2011年盤數度，但就冇講到全年業績會唔會因此「見紅」。
其實華置錄得巨額虧損已經唔係第一次，小琴欣賞華置夠坦蕩蕩，噚日個通告除咗預告2011年嘅「彪炳」戰績之餘，仲不厭其煩咁回帶，提醒投資者公司喺2010年都蝕咗成近88.4億銀，不過當年股票投資帳面係有賺嘅，收益淨額有成6.7億元，可惜果年好衰唔衰，換咗個估值師後，錄得過百億銀物業減值，攪到成盤數由賺變蝕。
前年衰物業估值 舊年賺返
不過世事就係咁離奇，2011年上半年華置仲賺緊45億幾，當中股票投資都有近兩億帳面收益，而賺錢最大「功臣」竟然又係物業估值。當其時估值師保柏話，為反映物業市場走勢，將華置投資物業估值上調近一成至337.3億元，令公司喺舊年上半年錄得26.5億元估值收益，真係「水能覆舟亦能載舟」。正當華置嘅股東以為有啲好日子過嘅時候，華置冷不防又話畀大家知啲股票唔聽話，唔知華置小股東會唔會因為舊年環球股市差，而體諒吓華置嘅處境呢？
email:piano@mingpao.com
其實華置錄得巨額虧損已經唔係第一次，小琴欣賞華置夠坦蕩蕩，噚日個通告除咗預告2011年嘅「彪炳」戰績之餘，仲不厭其煩咁回帶，提醒投資者公司喺2010年都蝕咗成近88.4億銀，不過當年股票投資帳面係有賺嘅，收益淨額有成6.7億元，可惜果年好衰唔衰，換咗個估值師後，錄得過百億銀物業減值，攪到成盤數由賺變蝕。
前年衰物業估值 舊年賺返
不過世事就係咁離奇，2011年上半年華置仲賺緊45億幾，當中股票投資都有近兩億帳面收益，而賺錢最大「功臣」竟然又係物業估值。當其時估值師保柏話，為反映物業市場走勢，將華置投資物業估值上調近一成至337.3億元，令公司喺舊年上半年錄得26.5億元估值收益，真係「水能覆舟亦能載舟」。正當華置嘅股東以為有啲好日子過嘅時候，華置冷不防又話畀大家知啲股票唔聽話，唔知華置小股東會唔會因為舊年環球股市差，而體諒吓華置嘅處境呢？
email:piano@mingpao.com
回應 (0)
