新聞類別
財經
詳情#
【明報專訊】如果有一日，你見到有空姐唔單止服務周到，仲擁有一身好武藝，千祈唔好奇怪，事關佢地隨時係東航最近培訓出嚟嘅「功夫空姐」。
話說東航響上個月安排咗首批20名空姐接受武術訓練，學習講求一招制敵嘅擒拿手。東航仲打算今後陸續安排公司超過2600名空姐學功夫，令到佢哋又睇得又打得。
不過咁，空姐打功夫並非東航噱頭，主要係為加強航機安全，協助解決事件。其實根據內地民航法規定，每架航班上都會有空中警察或航空公司嘅空中保安負責乘客安全，但好多時候遇上乘客鬧事甚至劫機，首當其衝往往係空姐，所以佢哋學番一兩招傍身，既可自救，亦可以幫助空中保安制服兇徒。
獲授擒拿手 人身危險時出手
但有市民就覺得，空姐學功夫會唔會搞到「姐手姐腳」，又或者少少事就對乘客使出功夫。東航方面就指，教官傳授嘅擒拿手，就係針對空姐力量小而設計嘅關節技；另一方面，東航亦強調，空姐嘅擒拿手唔會亂對乘客駛用，就算面對果啲故意刁難、難纏、無理取鬧嘅乘客，空姐都唔會駛出擒拿手，只有威脅危及乘客同機組人員人身安全時，佢哋先至會出手。
唔止東航，早前香港航空亦都宣布會將詠春拳列為空中服務員嘅受訓項目，所以小琴響度奉勸各位，千祈千祈唔好對空姐「鹹豬手」，無謂到時畀人「擒拿」或者「詠春」，自取其辱。
email:piano@mingpao.com
話說東航響上個月安排咗首批20名空姐接受武術訓練，學習講求一招制敵嘅擒拿手。東航仲打算今後陸續安排公司超過2600名空姐學功夫，令到佢哋又睇得又打得。
不過咁，空姐打功夫並非東航噱頭，主要係為加強航機安全，協助解決事件。其實根據內地民航法規定，每架航班上都會有空中警察或航空公司嘅空中保安負責乘客安全，但好多時候遇上乘客鬧事甚至劫機，首當其衝往往係空姐，所以佢哋學番一兩招傍身，既可自救，亦可以幫助空中保安制服兇徒。
獲授擒拿手 人身危險時出手
但有市民就覺得，空姐學功夫會唔會搞到「姐手姐腳」，又或者少少事就對乘客使出功夫。東航方面就指，教官傳授嘅擒拿手，就係針對空姐力量小而設計嘅關節技；另一方面，東航亦強調，空姐嘅擒拿手唔會亂對乘客駛用，就算面對果啲故意刁難、難纏、無理取鬧嘅乘客，空姐都唔會駛出擒拿手，只有威脅危及乘客同機組人員人身安全時，佢哋先至會出手。
唔止東航，早前香港航空亦都宣布會將詠春拳列為空中服務員嘅受訓項目，所以小琴響度奉勸各位，千祈千祈唔好對空姐「鹹豬手」，無謂到時畀人「擒拿」或者「詠春」，自取其辱。
email:piano@mingpao.com
回應 (0)
