新聞類別
財經
詳情#
【明報專訊】小琴今日聽個做車行嘅朋友話，Rolls-Royce（勞斯萊斯）趕喺農曆年前，出咗部紅噹噹嘅龍年特別版Phantom豪華車。聽佢講，原來個CEO覺得要吸引中國人，就要加入啲特別嘅中國元素，而象徵幸運嘅紅色就最啱中國。小琴覺得，Rolls-Royce都算係對中國文化相當有研究，更加十分識得抓緊時機，揀啱最有代表性嘅龍年，如果係早啲出兔仔版豪車或者遲啲出蛇版，點聽都怪怪地。
原來今次Rolls-Royce特登出中國版，都同中國人愈來愈捧佢場有關。上網睇過，舊年Rolls-Royce喺中國嘅銷量第1次超過美國市場，排全球第一，仲提前3年完成咗佢哋自己設立嗰個銷售目標。Rolls-Royce話晒都係傳統英國品牌，中國人竟然做咗最大買主，小琴就覺得有啲不可思議啦。
去年中國銷量 已超美國
不過又難怪，中國人掟錢買奢侈品一早就唔算新聞，小琴記得有機構調查過，中國擁有過百萬身家嘅富豪已經超過100萬，只係少過美國同日本，真係名副其實「百萬富豪」了，相比Rolls-Royce舊年3000幾部嘅全球銷量，真係頗有潛力貢獻一番。
話說歐洲陷入危機之後，不少奢侈品牌就好似更加指意中國幫手脫離困境，原來中國人已經不知不覺成為歐美大品牌嘅信心保障，好似今次Rolls-Royce要加開中國銷售點咁，睇怕都愈來愈多人會花心思吸引「百萬富豪」注意啦。
email:piano@mingpao.com
原來今次Rolls-Royce特登出中國版，都同中國人愈來愈捧佢場有關。上網睇過，舊年Rolls-Royce喺中國嘅銷量第1次超過美國市場，排全球第一，仲提前3年完成咗佢哋自己設立嗰個銷售目標。Rolls-Royce話晒都係傳統英國品牌，中國人竟然做咗最大買主，小琴就覺得有啲不可思議啦。
去年中國銷量 已超美國
不過又難怪，中國人掟錢買奢侈品一早就唔算新聞，小琴記得有機構調查過，中國擁有過百萬身家嘅富豪已經超過100萬，只係少過美國同日本，真係名副其實「百萬富豪」了，相比Rolls-Royce舊年3000幾部嘅全球銷量，真係頗有潛力貢獻一番。
話說歐洲陷入危機之後，不少奢侈品牌就好似更加指意中國幫手脫離困境，原來中國人已經不知不覺成為歐美大品牌嘅信心保障，好似今次Rolls-Royce要加開中國銷售點咁，睇怕都愈來愈多人會花心思吸引「百萬富豪」注意啦。
email:piano@mingpao.com
回應 (0)
