信和漫畫「重建」舊樓

【明報專訊】小琴噚日收到一份刊物，頭版是一幅大角嘴那些年的街頭立體照，並加插了一些以漫畫（圖）形式畫出嘅街坊小人物，十分趣緻。刊物原來係信和的《Sino CSR》，講公司推動企業社會責任的工作。信和置業（0083）近年在大角嘴、灣仔、荃灣等舊區做了不少市區重建項目，今次公司內部嘅藝術設計人員就在大角嘴走遍大街小巷，蒐集資料重現舊區昔日面貌，包括告別了的七記冰室、長虹影樓，單看名字已十分六、七十年代feel。信和在區內展出這些展品，又邀請一些傳統行業參與展覽，讓區內新一代的居民也知悉大角嘴的蛻變。


信和2006年成立了一個部門專門推廣本地文化藝術，其CSR的工作還喺推動環保及幫助弱勢社群方面出咗唔少力。有信和嘅老友同小琴講，公司近年一直有派義工隊幫助弱勢社群，太子爺嘅信置執行董事黃永光，亦不時會親自帶隊落區，向住喺舊區嘅老人家送禮物。


立體照重建冰室影樓

不少企業唔想推CSR，皆因認為是嘥錢無回報，但貢獻社會與公司業務其實目標亦可一致，好似信和介紹大角嘴舊區之餘，它在區內櫸樹街亦有個同市建局合作嘅重建項目，聽講會喺今季開賣，大家對大角嘴多一點認識，對樓盤銷售都有啲裨益啦。


email:piano@mingpao.com