《蝸居》女主角港誕小龍女

【明報專訊】踏入龍年，基金界同娛樂界齊齊傳出喜信，唔少香港人睇過嘅內地電視劇《蝸居》，飾演女主角海藻嘅女演員李念，前日透過微博宣布響香港順利生咗位「小龍女」。咁點解佢生女又會關基金界嘅事呢？事關李念嘅老公林和平就係軟銀賽富基金嘅合伙人。


小琴睇返資料，林和平以前曾經響瑞信擔任投行部副總裁，負責融資收購、公司合併、高息債券同IPO交易等工作。


夫為港基金合伙人

至於李念，代表作當然就係《蝸居》啦，當年小琴都係咁追呢套劇㗎，可惜舊年7月李念公布同林和平響香港登記結婚之後，佢就同經理人公司解約，專心做少奶奶囉，睇怕以後都好難再響公仔箱見到佢喇。