新聞類別
財經
詳情#
【明報專訊】講到IPO，有時候唔係咩公司都能夠話上市就上市。好似內地有間叫歸真堂嘅藥企，去年初打算響內地創業板上市，因為反對聲音太大而被迫擱置，最近佢哋又想捲土重來，但抗議聲依舊不減。
原來歸真堂屬於內地規模最大嘅熊膽產品研發生產企業，仲有養殖場養住400隻黑熊，專門用嚟「活熊取膽」，而佢哋上市其中一個目的，就係集資擴建養殖場，將規模擴大到1200隻黑熊。
集資上市 為擴養殖場
一間專門「活熊取膽」嘅公司要上市，又點會唔引起愛護動物者注意，去年就有人以動物受到殘忍對待為由掀起抵制行動，仲有全國政協委員響北京兩會遞交提案，呼籲全國範圍內停止「活熊取膽」。
驚動到全國政協，歸真堂最後只有將上市計劃擱置。但早幾日有人發現，間公司又再申請IPO，消息傳出後，亞洲動物基金會立即發信，話明會密切關注呢件同黑熊命運息息相關嘅事態進展。
「為什麼要用我的膽上市」
一個內地動物保護組織嘅發起人亦聲言會迅速同其他動物保護組織溝通，利用一切可能嘅行動抵制歸真堂上市。仲有網友響微博上貼咗張黑熊流淚漫畫，並以黑熊口脗質問：「歸真堂你沒膽嗎？為什麼要用我的膽上市！」，極盡譏諷之能事。
歸真堂澄清 被惡意抹黑
其實響呢兩次申請上市期間，歸真堂發表咗唔少文章為自己「活熊取膽」解畫，認為中國養熊業科學規範，卻被惡意抹黑醜化，但睇嚟宣傳效果麻麻，今次IPO睇怕都要再遭滑鐵盧囉。
email:piano@mingpao.com
原來歸真堂屬於內地規模最大嘅熊膽產品研發生產企業，仲有養殖場養住400隻黑熊，專門用嚟「活熊取膽」，而佢哋上市其中一個目的，就係集資擴建養殖場，將規模擴大到1200隻黑熊。
集資上市 為擴養殖場
一間專門「活熊取膽」嘅公司要上市，又點會唔引起愛護動物者注意，去年就有人以動物受到殘忍對待為由掀起抵制行動，仲有全國政協委員響北京兩會遞交提案，呼籲全國範圍內停止「活熊取膽」。
驚動到全國政協，歸真堂最後只有將上市計劃擱置。但早幾日有人發現，間公司又再申請IPO，消息傳出後，亞洲動物基金會立即發信，話明會密切關注呢件同黑熊命運息息相關嘅事態進展。
「為什麼要用我的膽上市」
一個內地動物保護組織嘅發起人亦聲言會迅速同其他動物保護組織溝通，利用一切可能嘅行動抵制歸真堂上市。仲有網友響微博上貼咗張黑熊流淚漫畫，並以黑熊口脗質問：「歸真堂你沒膽嗎？為什麼要用我的膽上市！」，極盡譏諷之能事。
歸真堂澄清 被惡意抹黑
其實響呢兩次申請上市期間，歸真堂發表咗唔少文章為自己「活熊取膽」解畫，認為中國養熊業科學規範，卻被惡意抹黑醜化，但睇嚟宣傳效果麻麻，今次IPO睇怕都要再遭滑鐵盧囉。
email:piano@mingpao.com
回應 (0)
