Webb叫人「估特首」

【明報專訊】呢幾日「唐宮」事件鬧到滿城風雨，最新劇情係唐太噚晚出來一力承擔，事件相信仲會繼續發酵，而獨立股評人兼有「股壇長毛」之稱嘅David Webb亦都湊熱鬧，噚日發電郵叫平時睇開佢個網頁嘅朋友，齊齊「估領袖」喎！

局勢隨時變 歡迎「選民」轉軚

原來阿Webb趁選委會開始提名，喺佢自己個web度搞咗個網上特首選舉，候選人當然就係前途未卜嘅唐英年、CY梁振英同埋何俊仁，以及「其他人」。


不過Webb講明，呢個選舉係叫大家估吓邊個會贏出，以百分比去評估各位仁兄嘅勝算，而唔係選大家心目中想要邊個做特首喎。


唔知係咪Webb考慮到呢排個狀况，定係一向預咗選情呢啲嘢隨時急轉彎，佢個網上特首選舉，歡迎「選民」隨時改變投票決定，直至真正選出特首為止。