梁高教恒生員工打Golf

【明報專訊】今時今日香港人要講平衡生活，努力工作之餘都要做吓有益身心嘅運動，恒生銀行（0011）早排就為員工搞咗個高爾夫球同樂日，副董事長兼行政總裁梁高美懿仲親自落場一齊打Golf，實行身體力行同一班同事分享自己經驗。


恒生呢個叫做「恒生團隊盃」嘅高爾夫球活動，吸引咗公司100名同事同親友參加，身為公司高層嘅梁太自然最矚目，佢當日仲粉紅色風褸加粉紅色長褲，入面再加一件粉紅色Polo恤，實行一身粉紅色cutie打扮現身，親身落場同一班同事打Golf。


身體力行 分享打波經驗

小琴睇返梁太當日打波嘅神態都真係幾投入，佢揸杆個陣仲戴埋手套，正所謂唔打得都睇得，成功推杆入洞嗰陣仲興奮到握拳慶祝呢！

查實梁太今次落場打波，旨在同一班同事喺球場體驗吓打高爾夫球嘅樂趣，同埋分享吓個人打波經驗同心得，小琴就覺得個理念幾好，工作時猛咁做有時未必好，反而有適當休息，工作效率可能仲高呢！