新聞類別
財經
詳情#
【明報專訊】渣打集團（2888）前年開始做咗英超球隊利物浦嘅贊助商，小琴最近就聽講，原來渣打當初係想贊助曼聯，但因為曼聯投標個方式唔多公道，最後先轉投利物浦懷抱。
渣打喺2010年同利物浦簽咗份贊助合約，4年合同金額大嗱嗱要成8150萬英鎊（約10億港元），有喺渣打做嘢嘅老友同小琴講，原來當日曼聯將一班有興趣嘅贊助商，用每人編排一間房嘅形式分隔開，然後每人每一輪填一個贊助費銀碼交畀曼聯嘅負責人，負責人收集完後再入房宣讀嗰一輪最高嘅投標金額，用呢個方式自然淘汰沒法負擔贊助費嘅贊助商。
曼聯半年業績尚可 升7.7％
講咗咁耐，咁究竟曼聯個投標方式有幾唔公道？皆因每一輪都係由曼聯職員話你知個投標金額升到幾多，個銀碼究竟有幾多成真根本無法確定，而當日渣打同家贊助緊曼聯嘅AON鬥到最後一輪輸咗，但後尾就發現當時職員宣讀嗰個銀碼，同AON講嘅唔多一樣，咁件事就一目了然啦。
講起曼聯，佢哋上年喺新加坡因為市况唔好擱置上市，噚日公布嗰份上半年業績都仲算唔錯，除息稅折舊前利潤有6420萬英鎊，比上年同期增長咗7.7%。收入就增長咗11.8%到1.75億英鎊。
email:piano@mingpao.com
渣打喺2010年同利物浦簽咗份贊助合約，4年合同金額大嗱嗱要成8150萬英鎊（約10億港元），有喺渣打做嘢嘅老友同小琴講，原來當日曼聯將一班有興趣嘅贊助商，用每人編排一間房嘅形式分隔開，然後每人每一輪填一個贊助費銀碼交畀曼聯嘅負責人，負責人收集完後再入房宣讀嗰一輪最高嘅投標金額，用呢個方式自然淘汰沒法負擔贊助費嘅贊助商。
曼聯半年業績尚可 升7.7％
講咗咁耐，咁究竟曼聯個投標方式有幾唔公道？皆因每一輪都係由曼聯職員話你知個投標金額升到幾多，個銀碼究竟有幾多成真根本無法確定，而當日渣打同家贊助緊曼聯嘅AON鬥到最後一輪輸咗，但後尾就發現當時職員宣讀嗰個銀碼，同AON講嘅唔多一樣，咁件事就一目了然啦。
講起曼聯，佢哋上年喺新加坡因為市况唔好擱置上市，噚日公布嗰份上半年業績都仲算唔錯，除息稅折舊前利潤有6420萬英鎊，比上年同期增長咗7.7%。收入就增長咗11.8%到1.75億英鎊。
email:piano@mingpao.com
回應 (0)
