SOHO潘石屹妻 客串《華爾街》續集

【明報專訊】荷里活電影《華爾街之金融大鱷》，最近喺美國同香港同步上映，套戲講番2008年金融海嘯時，美國財金界人物、政府點樣應對。除咗米高德格拉斯，小琴仲發現SOHO中國（0410）董事長潘石屹嘅太太張欣客串演出。

飾演來自中國投資豪客

張欣喺戲裏面飾演中國嘅投資代表，去到紐約同主角等人，討論中國有興趣投資喺再生能源項目，並要求主角等人提供多啲選擇畀佢哋。張欣英語流利，而且表現強勢、有信心，好有女強人風範。內地有網站話，中國元素頻頻喺部戲出現，華爾街各路人馬經常要將「中國」、「人民幣」掛喺嘴邊，倚重同中國商人合作，都會討好內地觀眾。

潘石屹今次冇參演，但佢之前已經參演過內地電影《瘋狂的石頭》同《阿司匹林》，唔知幾時會見到佢哋兩公婆同台演出？