克莉絲汀送篋 記者難領情

【明報專訊】新股初來報到，為咗表達誠意，通常都會送番啲公司產品作為紀念品。好似今日招股嘅內地麵包連鎖店克莉絲汀（1210），噚日在記者會上，唔單止奉上自家糕點大禮盒，仲為咗方便攜帶，搭送一個篋畀記者擺禮盒。


克莉絲汀此舉獲唔少記者稱讚公司誠意十足，不過就感慨公司好似用力過度，反而令人尷尬。據稱，公司準備咗嘅十幾個篋，現場幾乎冇人認領，仲有人問公關可唔可以淨係攞糕點禮盒走。


可見，送禮真係一個學問。譬如啲做工業或者服務業嘅新股，送嘢更加要好好度橋，好似三一重工推介時就想到送機械模型畀投資者。


小琴仲聽講，噚日喺新加坡做緊路演嘅克莉絲汀主席羅田安，喺視像問答環節，每答完一條題都會加一句：「乜乜報的記者，對我們的回答還滿意嗎？」仲唔小心漏咗啲唔講得嘅數，睇來真係幾緊張。