【外遊飲食關注組】

食安妹妹：歡迎乘搭本班航機。出外旅遊最緊要係食得安心，玩得開心！為咗各位旅客嘅健康著想，請採取以下措施，預防因進食受污染食物而引起嘅疾病。

精明選擇
光顧衞生可靠嘅食肆，切勿向環境衞生欠佳，或未有妥善處理食物嘅街邊小販等地方購買食物。

保持清潔 
喺處理食物同進食前，記得要徹底清潔雙手。

避免進食高風險嘅食物
生或者未經徹底煮熟嘅肉類、家禽、海鮮、蛋類，以及未經巴士德消毒嘅奶、芝士等，因為無足夠嘅熱處理，唔能夠消滅當中嘅微生物，食安風險較高。旅客應盡量選擇徹底煮熟嘅食物，尤其係長者、嬰幼兒、孕婦、免疫力較弱嘅人士。

想知更多旅遊食安資訊，可以參考呢度：https://bit.ly/3B83Kbb 

祝大家旅途愉快！