新聞類別
港聞
詳情#
話咁快就到五臟養生之旅嘅第二站,今次講吓自新冠疫情開始大家都比較關注嘅肺部,不如大家一齊👂聽吓肺内心嘅説話(🫁💬我有肺腑之言要講啊)。
肺臟(🫁💬唔好頂撞我啊),負責調節身體嘅氣機運行,有人體嘅宰相之稱,相對應嘅器官有鼻、皮膚。肺亦有嬌臟之稱,不耐寒又不耐熱,所以喺保養上就要額外留神。
中醫有「常悲傷肺」嘅講法,人係😩強烈悲哀嘅時候,會耗散肺氣,所以平日保持心平氣和方爲良策。
肺最怕燥,養肺要滋陰潤燥,以增強肺臟抵禦外邪嘅能力。除咗多啲飲水💧,可以進食一啲滋潤嘅食物,例如枇杷、百合、銀耳(我鍾意啊)等,枇杷潤肺止咳,百合清肺潤燥,銀耳養陰生津。
將呢啲食材合體就可以整成一煲老少咸宜嘅糖水🥣,整完同屋企人分享😋,邊飲邊享受家庭時光👨👩👦👦!
🟠枇杷百合銀耳羹🟠
枇杷6-8顆、銀耳半朵、乾百合20克、冰糖適量
1️⃣銀耳、乾百合提前8小時浸泡好,枇杷去皮 去內膜切塊備好
2️⃣煮鍋放入泡發好的銀耳,加入1500毫升清水
3️⃣銀耳煮開後微煮一會,然後轉小火,反覆大小火幾次,30分鐘後銀耳起膠後放入適量冰糖
4️⃣然後倒入泡發好的乾百合微煮3-5分鐘
5️⃣再倒入枇杷塊煮至枇杷變色即可
資料來源
醫院管理局
回應 (0)
2022年07月30日 07:08